(روز نامہ قدس ۔آنلائن خبر رساں ادارہ ) قابض صیہونی ریاست اسرائیل کی جانب سے لبنان کے مقبوضہ علاقے مزارع شعبا میں جنگی مشقیں جاری ، صیہونی فوج مشقوں کے دوران بھاری ہتھیاروں کے استعمال کے تجربات کررہی ہے۔
لبنان کی سرکاری نیوز ایجنسی کے مطابق قابض صیہونی ریاست کی جانب سے لبنان کے مقبوضہ علاقے مزارع شعبان میں بھاری ہتھیاروں کے ساتھ جنگی مشقیں جاری ہیں جس میں اسرائیلی کی تینوں افواج شرکت کررہی ہیں ۔
نیوز ایجنسی کا کہنا ہے کہ گزشتہ روز سے شروع ہونے والی فوجی مشقوں میں اسرائیلی فوج کی جانب سے بھاری توپ خانے سے داغے جانے والے گولوں کی آوازیں دور دور تک سنائی دے رہی ہیں اسرائیلی فوج کے جنگی طیاروں کی حاصبیام العرقوب، جبل الشیخ اور مقبوضہ مزارع شعبا میں نچلی پروایں بھی جاری رکھی ہوئی ہیں۔