(روزنامہ قدس ـ آنلائن خبر رساں ادارہ) صہیونی جنگی جرائم کے مرتکب وزیراعظم کے دفتر کے مطابق قاتل اسرائیلی کابینہ نے غزہ میں جنگ بندی اور اسیران کی رہائی سے متعلق معاہدے کی منظوری دے دی ہے۔
عبرانی ذرائع ابلاغ کے مطابق کابینہ کی منظوری کے بعد غزہ میں جنگ بندی باقاعدہ طور پر نافذ ہوگئی ہے اور سفاک اسرائیلی حملے روک دیے گئے ہیں۔
واضح رہے کہ کابینہ کا یہ اجلاس جمعرات کو جنگ بندی معاہدے پر غور کے لیے ہنگامی طور پر بلایا گیا تھا۔ اجلاس سے قبل غاصب فوج نے غزہ کے مختلف علاقوں پر شدید حملے کیے جن میں متعدد فلسطینی شہید اور زخمی ہوئے۔
یاد رہے کہ جنگ بندی کا یہ معاہدہ جمعرات کی دوپہر مصر کے شہر شرم الشیخ میں فلسطینی مزاحمتی تحریک حماس او ر ناجائزصہیونی حکومت کے درمیان طے پایا تھا۔
