(روزنامہ قدس ۔آن لائن خبر رساں ادارہ) صیہونی حکام نے انتظامی حراست کی پالیسی کے تحت فلسطینی رہنما اور پروفیسر کوقابل تجدید چار ماہ کیلئے قید کا حکم دیا ہے۔
اسرائیلی کی فوجی عدالت نے 68 سالہ فلسطینی رہنما اور دانشور پروفیسر احمد قطامش کو بغیر کسی جرم اور مقدمے کے غیر قانونی انتظامی حراست کی پالیسی کے تحت چار ماہ کیلئے قید کرنے کا حکم دیا ہے ، جس کی تجدید کی جاسکتی ہے یعنی چار ماہ قیدرہنے کے بعد اس کی قید کی مدت میں توسیع کی جاسکتی ہے۔
قابض صیہونی حکام نے پروفیسر قطامش کے وکیل کو بھی ان سے ملنے سے منع کردیا گیا ہے جو غیر قانونی اور غیر انسانی ہے ،
صیہونی فوج کی عدالت میں پیشی کے موقع پر اسرائیل کے ملٹری پراسیکیوٹر نے عدالت میں بیان دیتے ہوئے کہا کہ قطامش اسرئیل کی سلامتی اور خطے میں امن کیلئے خطرہ ہیں جبکہ وہ عوام کو اسرئیل کے خلاف کسی بھی محاذ پر استعمال کرنے کی صلاحیت رکھتے ہیں ۔
واضح رہے کہ پروفیسر قطامش اب تک متعدد ادوار میں 13 سال اسرائیلی زندانوں میں قید کاٹ چکے ہیں۔