(روز نامہ قدس ۔آن لائن خبر رساں ادارہ) مقبوضہ بیت المقدس میں احتجاجی ریلی پر صیہونی فوج کی فائرنگ سے متعدد مظاہرین زخمی ہوگئے۔
مقامی فلسطینی ذرائع نے بتایا کہ اسرائیلی فوجیوں نےمقبوضہ بیت المقدس کے علاقے "باب العامود” میں فلسطینیوں کی احتجاج ریلی اوروہاں پرخواتین کے قتل کےواقعات کے خلاف احتجاجی دھرنا دینے والے شہریوں کے خلاف کریک ڈائون کیا جس کے نتیجے میں متعدد مظاہرین زخمی ہوگئے۔
بیت المقدس میں "شاہراہ صلاح الدین” اور "باب العامود” کے مقام پر فلسطینی سماجی کارکنوں اور سول سوسائٹی کے ارکان نے غیرت کے نام پر خواتین کے قتل کے واقعات کے خلاف احتجاجی جلوس نکالا جس میں درجنوں افراد نے پلے کارڈ اوربینرزاٹھا کر احتجاج میں شرکت کی۔
مظاہرین نےغیرت کےنام پرخواتین کے قتل کے واقعات کی شدید مذمت کی اور خواتین کے ساتھ ہونےوالی نا انصافیوں کو ختم کرنے کا مطالبہ کیا۔خیال رہے کہ حال ہی میں مقبوضہ فلسطین میں اسراء غریب نامی ایک اکیس سالہ لڑکی کو قتل کردیا گیا تھا۔ اس کے قتل میں اس کے اہل خانہ کے ملوث ہونے کا شبہ ظاہر کیاجا تا ہے۔