(روزنامہ قدس ۔آن لائن خبر رساں ادارہ) صیہونی حکام نے اسرائیلی زندان میں قید دو سگے بھائیوں کے گھروں پر دھاوا بولا اس کی پیمائش کی اور تصاویر بنائیں جس کا مقصد ہے کہ کسی بھی وقت ان کو مسمار کردیا جائیگا۔
مقامی ذرائع کا کہناہے کہ گزشتہ روز صیہونی فوج نے مقبوضہ بیت المقدس کے مغربی کنارے کے شہر رام اللہ کے قصبے کوبر میں دو فلسطینی بھائی کر البرغوثی اور قسام البرغوثی کے گھر پر دھاوا بولا گھر میں توڑپھوڑ اور لوٹ مار کے بعد گھر کی پیمائش کی اور تصاویر بنائیں اور پھر روانہ ہوگئے جو اس بات کی دلیل ہے کہ ان کے مکانات کو کسی بھی وقت مسمار کردیا جائیگا ۔
واضح رہے کہ صیہونی زندان میں قید کرم البرغوثی اور قسام البرغوثی کو اسرائیلی فوج نے کئی ماہ سے انتظامی حراست کی پالیسی کے تحت قید کیا ہواہے ۔