(روز نامہ قدس ۔آنلائن خبر رساں ادارہ ) اتوار کی صبح غزہ کے جنوبی علاقے خان یونس میں اسرائیلی فوج نے مزاحمتی تحریک کے کمانڈر کو گولیاں مار کر شہید کیا اور اس کے بعد اس کی لاش بلڈوزر کی مدد سے گھسیٹ کر ر بے حرمتی کی۔
فلسطینی وزارت خارجہ نے قابض صیہونی فوج کی جانب سے اتوار کے روز غزہ کے جنوبی علاقے خان یونس میں اسرائیلی فوج نے اسلامی جہاد کے ایک کمانڈر 27 سالہ محمد الناعم کووحشیانہ حملے میں شہید کرنے کے بعد اس کی لا ش کی بے حرمتی کرنے کی مذمت کرتے ہوئے اس کو صہیونی فوج کا منظم نسل پرستانہ اور قابل نفرت جنگی جرم قرار دیا ہے۔
بیان میں کہا گیا ہے کہ جس بے دردی اور توہین آمیز انداز میں شہید فلسطینی کا جسد خاکی گھیسٹا گیا اس نے صہیونی فوجی ادارے کی منظم نسل پرستی، بربریت اور فلسطینیوں کے خلاف طاقت کے بے رحمانہ استعمال کا کھلا ثبوت ہے۔
واضح رہے کہ اتوار کی صبح غزہ میں قابض فوج نے فلسطینی مزاحمتی تحریک کے کمانڈر کو اسرائیلی سرحد پر بم نصب کرنے کا الزام عائد کرکے گولیاں مار کر شہید کیا اور اس کے بعد اس کی لاش کو بلڈوزر کی مدد سے گھسیٹ کر بے حرمتی کی گئی تھی، اس واقعے کی فوٹیج منظرعام پرآنے کے بعد فلسطینی عوام میں شدید غم وغصے کی لہر دوڑ گئی ہے۔