مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی حکومت نے فلسطین کے غزہ کی پٹی کے اطراف میں صیہونی کالونیوں کے لیے 700 ملین شیکل کی رقم منظور کی ہے۔ یہ رقم غزہ کے اطراف کی کالونیوں اور "سدیروت” کالونی کے تحفظ کے لیے خرچ کی جائے گی۔
روز نامہ قدس کو موصول ہونے والی اطلاعات کے مطابق اخبار "یدیعوت احرونوٹ” کی رپورٹ میں بتایا ہے کہ مذکورہ بجٹ سے کارخانوں، صنعتوں، زرعی منصوبوں، سیاحت اور صحت کی اسکیموں پر خرچ کی جائے گی۔
اسرائیلی وزیراعظم بنجمن نیتن یاھو نے کہا ہے کہ وہ عن قریب بجٹ کی حتمی منظوری کے لیے معاملہ کابینہ میں پیش کریں گے۔ ان کا کہنا تھا کہ غزہ کے اطراف میں موجود صیہونی کالونیوں میں فلاحی منصوبوں پر بھاری رقم صرف کی جائے گی۔