(روزنامہ قدس ۔آن لائن خبر رساں ادارہ) اقوام متحدہ اور یورپی یونین کی جانب سے غزہ میں اسرائیلی بمباری سنگین جرائم قرار، نہتے شہریوں کے قتل عام کی شدید الفاظ میں مذمت کرتے ہوئے بین القوامی سطح پر شفاف تحقیقات کرانے کا مطالبہ ۔
اقوام متحدہ کے سیکرٹری جنرل انتونیو گوٹیرس اور یورپی یونین کی طر ف سے جاری بیان میں کہا گیا ہے کہ غزہ میں اسرائیلی فوج کی وحشیانہ بمباری میں نہتے فلسطینی خاندان السوارکہ کو اجتماعی طورپر شہید کیے جانے کا واقعہ قابل مذمت اور ناقابل قبول ہےاس قتل عام کی فوری عالمی سطح پر شفاف تحقیقات ہونا چاہئے ۔
واضح رہے کہ 13 نومبر 2019ء کو غزہ کی پٹی پر اسرائیلی فوج نے رات کی تاریکی میں بمباری کرکے ایک ہی خاندان کے 8 افراد کو شہید اور 12 کو زخمی کردیا تھا۔ شہداء میں دو بچے اور خواتین بھی شامل تھیں۔ اس وحشیانہ بمباری کے نتیجے میں مکان کا نام و نشان مٹ گیا۔