(روزنامہ قدس ۔آن لائن خبر رساں ادارہ) اقوام متحدہ کے پناہ گزین کمیشن کی جانب سے امداد روکے جانے کے باعث عراق میں مقیم ہزاروں فلسطینی پناہ گزینوں کی زندگیوں کو شدید خطرات لاحق ہوگئے ہیں۔
عرب ویب سائٹ شفق نیوز کی رپورٹ کے مطابق عراقی انسانی حقوق کمیشن کے سربراہ ڈاکٹر علی ال بیاتی نے گزشتہ روز اپنےبیا ن میں عراق میں مقیم کم سے کم 300 فلسطینی خاندانوں کو اقوام متحدہ کے دارہ برائے بحالی پناہ گزین کی جانب سے امداد روکے جانے پر تشویش کا اظہارکرتے ہوئے کہا ہےکہ اس اقدام سے عراق میں مقیم ہزاروں فلسطینی پناہ گزینوں کی زندگیوں کو خطرات لاحق ہوگئے ہیں
انھوں نے بتایا ہے کہ متاثرہ فلسطینی خاندان تحریر اسکوائر میں احتجاجی مظاہرہ کرنے کی تیاری کررہے ہیں، انسانی حقوق ہائی کمیشن کے مطابق پناہ گزین کمیشن کی طرف سے 300 فلسطینی خاندانوں کو رہائشی مقاصد کے لیے ماہانہ بنیادوں پر دی جانے والی رقم روک دی ہے جس کے نتیجے میں وہ بے گھر ہونے لگے ہیں۔ان میں بیمار، عمر رسیدہ، بچے اور بیوہ خواتین بھی شامل ہیں۔