(روزنامہ قدس ۔آن لائن خبر رساں ادارہ) قابض صیہونی فوج نے گھر گھر چھاپوں کے دوران ایک طالبہ سمیت 12 فلسطینی باشندوں کو گرفتارکرکے نامعلوم مقامات پر منتقل کردیا ہے ۔
مقامی ذرائع کے مطابق صیہونی فوج نے گزشتہ روز مقبوضہ بیت المقدس کے مختلف علاقوں میں گھر گھر تلاشی اور چھاپہ مار کارروئیوں کے نام پر لوٹ مار کے دوران اسرائیلی فوج نے 16 سالہ امیر احمد محمود طقاطقہ ، 18 سالہ عبداللہ ذیاب اور عبداللہ ثوابتہ کو بیت لحم کے علاقے بیت فجار سے گرفتارکیا۔
صیہونی پولیس نے غرب اردن کے جنوبی شہر الخلیل میں ایک کارروائی کے دوران انتظامی حراست کے تحت سزا کاٹ کر رہا ہونے والے انس ابراہیم شدید کو ایک بار پھر حراست میں لیا۔ غرب اردن کے جنوبی شہر بیت لحم میں مراح رباح کے مقام پر تلاشی کی کارروائی میں دو فلسطینیوں کوحراست میں لیا۔ شمالی رام اللہ سے ایک طالبہ سمیت تین فلسطینیوں اور ایک کو رام اللہ میں الجلزون پناہ گزین کیمپ سے گرفتار کیا گیا۔