مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل کے ایک عبرانی ٹی وی چینل نے اپنی رپورٹ میں کہا ہے کہ اسرائیلی فوج کے ایک سینیٔر افسر نے فوجیوں کو بزدل قرار دیا ہے۔ اسرائیلی فوجی افسر کا کہنا ہے کہ فوجیوں کے پاس دشمن کے خلاف دو بہ دو لڑائی کی صلاحیت نہیں۔
روز نامہ قدس کو موصول ہونے والی اطلاعات کے مطابق عبرانی ٹی وی چینل 7 کی رپورٹ میں کہا ہے کہ بریگیڈ سات کے سربراہ بریگڈیئر جنرل رومان گوومن نے فوجی افسران کو ایک مکتوب ارسال کیا ہے جس میں ان کا کہنا ہے کہ دو ماہ قبل شام کی سرحد سے دراندازی کرنے والے جنگجوؤں اوراسرائیلی فوج کے درمیان تصادم ہوا جس میں اسرائیلی فوج جانیں بچانے کے لیے پسپا ہوگئے تھے۔
صیہونی فوجی افسر کا کہنا تھا کہ اسرائیلی فوجیوں کے پاس دشمن کے خلاف لڑائی کےلیے جرأت نہیں۔ان کا کہنا تھا کہ دشمن کے خلاف لڑائی کے لیے بہادری،ذہانت اور سمجھ داری کی ضرورت ہے اور اسرائیلی فوج میں یہ تینوں صلاحیتں نہیں۔