(روزنامہ قدس ۔آن لائن خبر رساں ادارہ) صیہونی فوج نے رات گئے مقبوضہ بیت المقدس کے مختلف علاقوں میں چھاپہ مار کارروائیوں کے دوران ایک بچے سمیت سات فلسطینیوں کو گرفتار کرکے نامعلوم مقامات پر منتقل کردیا۔
صیہونی فوج کی جانب سے جاری بیان میں کہا گیا ہے کہ اسرائیلی فوج نے رات گئے کی جانے والی کارروائیوں میں فوج اورپولیس پر حملوں میں ملوث 6 فلسطینیوں کو گرفتار کیا ہے (گرفتار افراد کے نام ظاہر نہیں کئے گئے )
دوسری جانب مقامی ذرائع نے بتایا ہے کہ مقبوضہ بیت المقدس کے علاقے العیسویہ سے صیہونی فوج نے 13سالہ محمد زیتون کو اغواء کرکے قریبی حراستی مرکز منتقل کردیا ہے ، تاہم اس پر لگائے گئے الزام کے حوالے سے کوئی بیان نہیں جاری کیا گیا۔