(روزنامہ قدس ۔آن لائن خبر رساں ادارہ) صیہونی فوج نے طولکرم چیک پوائنٹ پر ایک فلسطینی نوجوان کو گولیاں مارکرشہید کردیا.
مقامی ذرائع کے مطابق صیہونی فوج نے مقبوضہ بیت المقدس کے شہر طولکرم کے "جبراہ” چیک پوئنٹ پر 20 سالہ رعد البھری کو گولیاں مارکر شدید زخمی کردیا اور طبی امداد نہ ملنے کے باعث فلسطینی شہید ہوگیا ۔
فلسطین ریڈکریسنٹ کے مطابق صیہونی فوج نے فلسطینی نوجوان کو گولیاں مارکر زخمی کیا اور کسی کو اس کے پاس جانے کی اجازت نہیں دی یہاں تک کے خون بہہ جانے کی وجہ سے اس کی موت واقع ہوگئی ۔
صیہونی فوج نے ایک ماہ قبل بھی تیس سالہ فلسطینی خاتون کو گولیاں مارکر زخمی کردیا تھا اور کسی کو طبی امداد فراہم کرنے کی اجازت نہیں دی تھی جس کی وجہ سے خون بہہ جانےکے باعث فلسطینی خاتون شہید ہوگئی تھی ۔