(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس کے علاقے العیساویہ میں فلسطینی نوجوان کو سرعام بدترین تشدد کا نشانہ بنانے کے بعد گرفتارکرکے نامعلوم مقام پر منتقل کردیا ۔
گزشتہ روز انٹرنیٹ پر وائرل ہونے والی ویڈیو میں دیکھا جاسکتا ہے کہ صیہونی فوج نے بیت المقدس کے علاقے العیساویہ میں ایک فلسطینی نوجوان لیث درویش کو پشت پر ہاتھ باندھ کر بری طرح ذدوکوب کررہے ہیں ۔ بیت المقدس کے ذرائع کے مطابق اسرائیلی فوج نے فلسطینی نوجوان کو تشدد کا نشانہ بنانے کے بعد گرفتارکرکے نامعلوم مقام پر لے گئی ہے
۔قابل ذکر بات یہ ہے کہ قابض فوج نے دو مہینے سے زیادہ عرصہ میں عیسویہ کے نوجوانوں کے خلاف بڑے پیمانے پر گرفتاریوں کی مہم چلا رکھی ہے جہاں اس مہم کے دوران قابض فوج کے سیکڑوں نوجوانوں کو حراست میں لیا یا انہیں تشدد کا نشانہ بنایا ہے۔