(روزنامہ قدس ۔آن لائن خبر رساں ادارہ) صیہونی فوج نے الخلیل شہر کے داخلی راستے پر فلسطینیوں کو بدترین تشدد کا نشانہ بنایا جبکہ ایک شہری کو اغواء کرکے نامعلوم مقام پر منتقل کردیا ۔
مقامی ذرائع کے مطابق گزشتہ روز صیہونی فوج نے مقبوضہ بیت المقدس کے شہر الخلیل کے پرانے علاقے کے داخلے راستے الشہداء اسٹریٹ میں متعدد فلسطینیوں کو بلا جواز بدترین تشدد کا نشانہ بنایا ، عینی شاہدین نے بتایا کہ اسرائیلی فوج نے راہگیروں پر بندوقوں کے بٹوں اور ڈنڈوں سے حملہ کیا اور ایک مقامی نوجوان کو اغواء کرکرتے ہوئے اپنے ہمراہ نامعلوم مقام پر منتقل کردیا ۔
نوجوان کو حراست میں لینے کے حوالے سے کوئی اطلاع فراہم نہیں کی گئی ۔