(روزنامہ قدس ۔آن لائن خبر رساں ادارہ) صیہونی فوج کی جانب سے "العروب پناہ گزین کیمپ” پر دھاوا گھروں میں توڑپھوڑ کی گئی، مزاحمت پر صیہونی فوج نے مظاہرین پر آنسو گیس کی شیلنگ اور فائرنگ کی جس کے نتیجے میں متعدد فلسطینی زخمی ہوگئے ۔
تفصیلات کے مطابق قابض صہیونی فوج نے فلسطین کے علاقے "غرب اردن” کے جنوبی شہر "الخلیل” کے شمال میں واقع "العروب پناہ گزین کیمپ” پر دھاوا بولا اورگھر گھر تلاشی کا عمل شروع کیا، اس دوران روایتی توڑپھوڑاور مکینوں کو ذدوکوب کرنے پر فلسطینیوں نے مزاحمت کی اور احتجاج کیا جس کو روکنے کیلئے صیہونی فوج نے آنسوگیس کی شیلنگ اورمظاہرین پر براہ راست دھاتی گولیوں کا استعمال کیا جس کے نتیجے میں متعدد فلسطینی زخمی ہوگئے۔
مقامی فلسطینی ذرائع کے مطابق اسرائیلی فوج کی آنسوگیس کی شیلنگ سے زخمی ہونے والے متعدد شہری دم گٹھنے سے زخمی ہوگئے۔خیال رہے کہ قابض صہیونی حکام روزانہ کی بنیاد پرفلسطینی مظاہرین کی ریلیوں کو منتشر کرنے کے ان کے خلاف طاقت کااستعمال کرتےہیں۔ فلسطینیوں کی جان ومال پرحملے کیے جاتےاور چھاپہ مار کارروائیاں کی جاتی ہیں۔