(روزنامہ قدس ۔آن لائن خبر رساں ادارہ) صیہونی فوج کی بھاری تعداد نے تاریخی مسجد ابراہیمی پر دھاوا بولتے ہوئے مسلمانوں کو مسجدسے بے دخل کرکے مسجد کو سیل کردیا۔
مقامی ذرائع کے مطابق صیہونی فوج کی بھاری تعداد نے تلاشی کے نام پر مقبوضہ بیت المقدس کے شہر الخلیل میں واقع تاریخی مسجد ابراہیمی پر دھاوا بولا اور مسجد میں موجود مسلمانوں کی تلاشی کے نام پر تمام نمازیوں کو مسجد سے بے دخل کرتے ہوئے مسجد کو سیل کردیا ۔
قابض صیہونی فوج نے جوتوں سمیت مسجد میں داخل ہوکر مسجد کے تقدس کو پامال کیا ۔
ذرائع کا کہنا ہے کہ صیہونی فوج کو اطلاع ملی تھی کہ نمازیوں میں کسی شخص کے پاس چاقو ہے اور وہ صیہونی فوج پر حملہ کرنے کی منصوبہ بندی کررہا ہے ، صیہونی فوج نے مسجد کو چند گھنٹوں کیلئے سیل کردیا ہے ۔