(روزنامہ قدس ۔آن لائن خبر رساں ادارہ) صیہونی فوج نے نابلس اور قلقیلیہ کے درمیان سے گزرنے والے پانچ فلسطینی نوجوانوں کوبغیر کسی جواز کے اغواء کرکے نامعلوم مقام پر منتقل کردیا ۔
مقامی ذرائع سے حاصل اطلاعات کے مطابق قلقیلیہ کے مشرقی قصبے عزون کے رہائشی پانچ فلسطینی نوجوانوں کو صیہونی فوج نے قلقیلیہ اور نابلس کے درمیان کی مرکزی سڑک سے گزرتے ہوئے اغواء کیا اور نامعلوم مقام پر منتقل کردیا ۔
ذرائع کا کہنا ہے کہ حراست میں لئے گئے افراد کی شناخت امجد حسین ، حمیدو ابوحنیہ ، ایاد عدنان ، محمود عدنان اور نمر فرج کے نام سے ہوئی ہےتاہم ان کو کہاں لے جایا گیا ہے اور ان پر کیا الزامات ہیں اس حوالے سے کوئی معلومات فراہم نہیں کی گئی ۔