(روزنامہ قدس ۔آن لائن خبر رساں ادارہ) صیہونی فوج نے بغیر نوٹس کے فلسطینیون کے چار گھر اور زرعی اراضی کو مسمار کردیا اور دیگر گھروں کی مسماری کیلئے تصاویر اور پیمائش بھی کی۔
مقامی ذرائع کے مطابق آج صبح صیہونی فوج نے وادی ابو ہندی کے علاقے میں فوجی بلڈوزر کے ساتھ دھاوا بولا اور بغیر نوٹس کے فلسطینیوں کے چار گھروں اور زرعی اراضی کو مسمار کردیا جس کے نتیجے میں فلسطینی خاندان بے گھر ہوگیا، صیہونی فوج نے چاروں گھروں کی مسماری کے بعد دیگر گھروں کی بھی تصاویر اور پیمائش کی جس کا مقصد ہے کہ یہ گھر بھی بہت جلد گرادیئے جائیں گے ۔