(روزنامہ قدس ۔آن لائن خبر رساں ادارہ) صیہونی فوج نے تاریخی مسجدابراہیمی سے مسلمانوں کو بے دخل کرتے ہوئے مسجد کی ناکہ بندی کردی جبکہ یہودی جنونیوں کو مسجد میں مذہبی رسومات کی ادائیگی کیلئے محفوظ راستے مہیا کردیئے۔
مقامی فلسطینی ذرائع نے کہا کہ صیہونی فوج اور پولیس نے مسلمانوں کے مسجد میں داخلے پر پابندی عائد کردی ہے جبکہ مسجد ابراہیمی کے اطراف میں اسرائیلی فوج کے مسلح دستوں کی بڑی تعداد تعینات ہے جو یہودی جنونیوں کو اپنے مذہبی رسومات کی ادائیگی کیلئے محفوظ راستہ فراہم کررہےہیں۔
مسجد ابراہیمی کے ڈائریکٹر ھفظی ابو اسنینہ نے کہا کہ مسجد کےاطراف میں اسرائیلی فوج نے فلسطینی نمازیوں کو مسجد تک پہنچنے سے روکنے کےلیے کڑے پہرے اور جگہ جگہ کھڑی کی گئی رکاوٹیں کھڑی کی گئیں ہیں جس کے باعث مسلمان عبادتگزاروں مسجد میں نماز کی ادائیگی نہیں کرپارہے ہیں ،
انھوں نے بتایا کہ صیہونی حکام مسلمانوں کی مسجد تک رسائی روکنے کیلئے مختلف حربے استعمال کررہےہیں تاہم اس کے باوجود گزشتہ روز سیکڑوں فلسطینیوں نےمسجد ابراہیمی میں نمازیں ادا کیں، اسرائیلی فوج کی طرف سےرکاٹوں کے باوجود فلسطینیوں کی بڑی تعداد سوموار کے روز ظہر اور عصر کی نمازوں میں مسجد ابراہیمی میں پہنچنے میں کامیاب رہی۔