(روزنامہ قدس ۔آن لائن خبر رساں ادارہ) قابض صیہونی فوج نے مزید چار فلسطینی خاندانوں کو بے گھر کردیا ہے ،گرائے جانے والے چاروں گھر انتظامی حراست کے قانون کے تحت صیہونی زندانوں میں قید چار فلسطینیوں کی ملکیت ہیں۔
مقامی ذرائع کے مطابق قابض اسرائیلی فوج نے مقبوضہ بیت المقدس کے شہر الخلیل میں بیت کحیل قصبے پر دھاوا بولا اور انتظامی قید کی غیر قانونی پالیسی کے تحت صیہونی زندانوں میں قید احمد العصافرہ اور اسکے بھائیوں قاسم ، نصیر العصافرہ اور یوسف ظہور کی ملکیت چاروں گھروں کو مسمار کردیا ۔
صیہونی فوج نے بغیر کسی نوٹس کے چاروں گھروں کو مسمارکیا اور گھروں کا سامان محفوظ مقامات تک پہنچانے کیلئے صرف چند گھنٹوں کی مہلت دی گئی ،اسرائیلی فوج کے اس غیر انسانی سلوک کے خلاف مقامی نوجوانوں اور فوجیوں کے درمیان جھڑپیں پھوٹ پڑیں۔