(روزنامہ قدس ۔آن لائن خبر رساں ادارہ) فلسطین پر قابض اسرائیلی فوج نے گزشتہ روز مقبوضہ مغربی کنارے کے شہر نابلس کے مشرقی شہر سے دو فلسطینی بچوں کو گرفتار کرلیا۔
مقامی ذرائع سے حاصل اطلاعات کے مطابق صیہونی فوج نے نابلس شہر کے مشرق میں "بیت فوریک” سے دو بچوں محمد حنینی اور عارف حنینی کو اغوا کرکے نامعلوم مقام پر منتقل کردیا
اس سے قبل صیہونی فوج نے مقبوضہ مغربی کنارے کے مختلف علاقوں میں گھر گھر تلاشی اور چھاپوں کے کے دوران چار فلسطینی نوجوانوں کو اغوا کیا تھا۔
دوسری جانب اسرائیلی شرپسند یہودی آباد کاروں نے نابلس کے قریب فلسطینی بستی پر حملہ کیا۔فلسطینی میں یہودی آباد کاری کی تحریک کے کارکن غسان دگلس نے بتایا کہ گزشتہ روز شام کے اوقات میں یہودی شرپسند آباد کاروں کے گروپوں نے نابلس اور قلقیلیہ کے درمیان سڑک پر گزرنے والی فلسطینی گاڑیوں پر پتھراؤ بھی کیا۔