(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس کے مختلف علاقوں میں گھر گھر تلاشی اور چھاپہ مارکارروائیوں کےدوران تین نو عمر بچوں سمیت درجنوں فلسطینیوں کو گرفتار کرکے نامعلوم حراستی مراکز متنقل کردیا۔
مقامی ذرائع کے مطابق صیہونی فوج نے علی الصبح الخلیل شہر سمیت مقبوضہ بیت المقدس کے مختلف علاقوں میں چھاپہ مار کارروائیوں کے دوران گھر گھر تلاشی لی اور فلسطینیوں کےگھروں میں لوٹ مار اور توڑپھوڑ کرتے ہوئے رہائشیوں کو تشدد کا نشانہ بنایا ۔
چھاپہ مارکارروئیوں کے دوران سابق اسیروں اور طلباء سمیت کم سے کم 35 فلسطینیوں کو حراست میں لے لیا گیا جن میں تین نو عمر فلسطینی بچے بھی شامل ہیں ۔
عینی شاہدین کا کہنا ہے کہ صیہونی فوج نے خواتین اور بچوں سمیت فلسطینیوں کے خلاف بلا امتیاز کارروائی کرتے ہوئے گرفتاریاں کی اور نامعلوم حراستی مراکز پر منتقل کردیا ہے ۔