(روزنامہ قدس ۔آن لائن خبر رساں ادارہ) صیہونی فوجی ہیلی کاپٹر نے گزشتہ شب غزہ کے شمالی سرحدی علاقے میں سرحدی باڑ کے قریب دو میزائل داغے جس سے علاقے میں دھماکوں کے باعث خوف و ہراس پھیل گیا۔
مقامی ذرائع کے مطابق ، غزہ کے شمالی سرحدی علاقے میں اسرائیلی ہیلی کاپٹرنے دو مقامات کو نشانہ بناتے ہوئے دو مزائل داغے جس کے باعث دھماکوں سے علاقے میں خوف و حراس پھیل گیا، اسرائیلی میڈیا کے مطابق گزشتہ دو روز قبل اسرائیل میں داخل ہونے کی کوشش کرنے والے فلسطینیوں کے قتل کے بعد سرحدی سیکیورٹی غیر معمولی طورپر بڑھائی گئی ہے ، اسرائیلی میڈیا نے فوج کی جانب سے دعویٰ کیا ہے کہ میزائل حملہ شرپسندوں کی موجودگی پر کیا گیا تاہم اس حملے میں کسی جانی نقصان کی اطلاع نہیں ملی ۔