(روزنامہ قدس ۔آن لائن خبر رساں ادارہ) صیہونی عقوبت خانوں میں قید تنہائی کے 14 سال گزارنے والا فلسطینی قیدی اسیری کے 15ویں سال میں داخل ہوگیا ہے اور نہیں معلوم کہ یہ قید تنہائی اور کتنے سال جاری رہے گی۔
کلب برائے اسیران فلسطینی کے ڈائریکٹر منتصر سمور کا کہنا ہے کہ غرب اردن کے شمالی شہر جنین سے تعلق رکھنےوالے محمد سعید مصلح نے اپنی زندگی کے 14 سا ل اسرائیلی عقوبت خانوں میں گزار دیئے ہیں اور اب وق قید کے 15 ویں سال میں داخل ہوگئے ہیں۔
انھو ں نےبتایا کہ محمد سعید مصلح کو اسرائیلی فوج نے 2005 میں فلسطینی حریت پسندوں سے تعلقات کے الزامات میں گرفتار کیا تھا اور انھیں 5 سال کی سزا سنائی تھی تاہم اسرائیلی پراسیکیوٹر کی اپیل پر ان کی سزا کی معیاد میں اضافہ کریا گیا ہے اور تک انھوں نے اسرائیل کے مختلف جیلوں میں زندگی کے 14 سال گزار دئے ہیں ، انھوں نے مزید بتایا کہ محمد سعید مصلح کو اس دوران اپنے گھر والوں سےبھی ملنے کی اجازت نہیں دی گئی ہے۔