(روزنامہ قدس ۔آن لائن خبر رساں ادارہ) نہتے فلسطینیوں پر صیہونی ریاست کے مظالم پر اقوام عالم کی مجرمانہ خاموشی جاری ، صیہونی زندان میں اسرائیل کے غیر قانونی اقدامات کے خلاف پانچ فلسطینیوں کی احتجاجاً بھوک ہڑتال جاری۔
فلسطینی پر قابض صیہونی ریاست اسرائیل کے جیلوں میں قید ہزاروں قیدیوں میں سے انتظامی قید کی غیر قانونی پالیسی کے تحت پانچ فلسطینی قیدیوں کی احتجاجاً طویل بھوک ہڑتال جاری ہے جس کے باعث ان اسیروں کی حالت تشویشاک حد تک خراب ہوگئی ہے ۔
مقبوضہ بیت المقدس کے مشرقی علاقے بو دیس سے تعلق رکھنے والے 30 سالہ اسماعیل علی94 دن سے بھوک ہڑتال پرہیں، جینن کے جنوب میں واقع قصبہ عربا سے تعلق رکھنے والے اسلامی جہاد کے رہنما طارق القعدان مسلسل 87 دن سے ہڑتال پر ہیں، نابلس کے گاؤں تل کے رہنے والے 28 سالہ مصعب توفیق الہندی مسلسل 34 دن سے بھوک ہڑتال پر ہیں جبکہ اردن سے تعلق رکھنے والی 24 سالہ ھبہ احمد عبدالباقی اللبدی نے مسلسل 34 دن سے بھوک ہڑتال شروع کر رکھی ہے۔ قیدی احمد زہران نے مسلسل 34 روز سے بھوک ہڑتال جاری رکھی ہے۔
واضح رہے کہ اسرائیلی عقوبت خانوں میں انتظامی حراست کی پالیسی کے تحت پابند سلاسل فلسطینیوں کی تعداد 5700 ہےجن میں 48خواتین، 230 بچے شامل ہیں جبکہ صیہونی ریاست کی جانب سے جھوٹے الزامات کے تحت قید کاٹنے والے فلسطینیوں کی تعداد 10ہزار سے بھی زائد ہے۔