(روزنامہ قدس ۔آن لائن خبر رساں ادارہ) بے لگام صیہونی ریاست اسرائیل کی مظلوم فلسطینیوں کے خلاف غیر انسانی اور غیر قانونی اقدامات جاری، قابض حکام نے مقبوضہ مغربی کنارے میں ایک اور فلسطینی گھرانے کو بے گھر کردیا ۔
تفصیلات کے مطابق قابض صہیونی فوج نے فلسطین کے مقبوضہ مغربی کنارے کے جنوبی شہر الخلیل میں "بیت امر” کے مقام پر فلسطینی گھرانے کا ایک اور مکان مسمارکردیا۔
ایک مقامی سماجی کارکن محمد عوض نے بتایا کہ قابض فوج نے القدس کو الخلیل شہرسے ملانے والی مرکزی شاہراہ پر وادی الشیخ میں علی محمد العلامی کا زیرتعمیر مکان مسمار کردیا۔عوض نے بتایا کہ مسمار کیا گیا مکان 150 مربع میٹر پربنایا جا رہا تھا۔خیال رہے کہ فلسطین کے علاقوں میں مقامی فلسطینی آبادی کے مکانات کی مسماری اور ان پر قبضہ صہیونی فوج کا روز کا معمول بن چکاہے گزشتہ تین دنوں میں 77 فلسطینی جن میں زائد از نصف بچے ہیں، بے گھر ہوچکے ہیں۔ اسرائیل کی جانب سے منہدم کئے گئے مکانات مخدوش خاندانوں کی مدد کیلئے بین الاقوامی برادری کی جانب سے فراہم کئے گئے تھے۔