(روزنامہ قدس ۔آن لائن خبر رساں ادارہ) بلیووائٹ پارٹی کے سربراہ کا کہنا ہے کہ نئی حکومت سازی کیلئے لیکوڈ کے ساتھ کوئی درمیانی راہ نکالنے کی کوشش کررہے ہیں۔
عبرانی میڈیا رپورٹس کے مطابق صیہونی ریاست اسرائیل میں حالیہ انتخابات میں برتری حاصل کرنے والی جماعت ‘یلو وائٹ’ اتحاد کے سربراہ اور سابق اسرائیلی آرمی چیف بینی گینٹز نے حالیہ شکست کھانے والی لیکوڈ پارٹی کے صدر اور اسرائیلی وزیراعظم بنجمن نیتن یاھو سے کہا ہے کیہ وہ حکومت کی شمولیت کے لیے اپنی مقرر کردہ شرائط سے دستبردار ہوجائیں تو حکومت سازی میں ان کی شمولیت کی گنجائش پیدا ہوسکتی ہے۔
بینی گینٹز کا کہنا ہے کہ وہ نیتن یاھو اور ان کی جماعت کے ساتھ حکومتی اتحاد کے لیے کوششیں جاری رکھیں گے حکومتی اتحاد کے لیے کوئی درمیانی راہ نکالنے کی کوشش کررہے ہیں۔
واضح رہے کہ 17 ستمبر 2019ء کو اسرائیل میں کنیسٹ کے دوسری بار ہونے والے انتخابات میں نیتن یاھو اور بینی گینٹز کی جماعتیں قریب قریب نشستیں لینے میں کامیاب ہوئی تھیں۔ نیتن یاھو کی جماعت لیکوڈ نے کنیسٹ کے انتخابات میں 32 اور جنرل ریٹائرڈ بینی گینٹزکے یلو وائٹ پارٹی نے 33 نستیں حاصل کی تھیں۔بنجمن نیتن یاھوکو صدر ریولین نے حکومت کی تشکیل کی دعوت دی تھی تاہم وہ مخلوط حکومت بنانے میں ناکام رہے ہیں جس کے بعد اب بینی گانٹز کو حکومت کی تشکیل کی دعوت دی گئی ہے۔