(روز نامہ قدس ۔آنلائن خبر رساں ادارہ ) فلسطین پرقابض صیہونی ریاست کے دہشتگردوں نے ہیوی مشینری کے ذریعے فلسطینیوں کےآبائی علاقے کومسمار کرنے کے بعد یہودی بستیوں کی تعمیر کیلئےہموارکردیا۔
تفصیلات کےمطابق مقبوضہ مغربی کنارے کے تاریخی شہر بیت لحم کے مغربی علاقے بیت جالا میں یہودی آبادکاروں نے صیہونی پولیس کی نگرانی میں ہیوی مشنیری کے ذریعے چند روز قبل مسمار کئے جانے والے فلسطینیوں کے آبائی علاقے کو غیرقانونی یہودی بستیوں کی تعمیر کیلئے ہموار کردیا ۔
عینی شاہدین نے بتایا کہ مسلح صیہونی پولیس کی نگرانی میں یہودی آباد کاروں کے بڑے گروہ نے بلڈوزروں کی مدد سے قصبے زرعی علاقے میں داخل ہوئے مقامی رہائشی سابا اسکندر کی ملکیتی چار ایکڑ اراضی کو ہموار کر دیا، ضبط شدہ فلسطینی زمین کو قابض اسرائیلی حکام نے ایک ہفتہ پہلے مسمار کر دیا تھا اور آج غیرقانونی یہودی بستیوں کی تعمیر کیلئے ہموار بھی کردیا گیا ہے۔