(روزنامہ قدس ۔آن لائن خبر رساں ادارہ) صیہونی فوج نے ایک اور فلسطینی خاندان کا گھر غیر قانونی قرار دیتے ہوئے مسمار کردیا ،رواں ماہ صیہونی حکام نے 8 فلسطینی خاندانوں اور مجموعی طور پر 49 افراد کو بے گھر کیا ہے۔
مقامی ذرائع کے مطابق صیہونی فوج نے بغیر کسی نوٹس کے مقبوضہ بیت المقد س کے مغربی شہر نابلس کے نواحی قصے الرائد میں فلسطینی خاندان النجاحی کے گھر کو غیر قانونی قرار دیتے ہوئے مسمار کردیا ، صیہونی حکام کی جانب سے دو منزلہ مکان کو خالی کرنے کیلئے صرف 4 گھنٹوں کا وقت دیا گیا اور وقت پورا ہونے کے بعد اسرائیلی بلدیہ اور فوج نے فلسطینی خاندان کے سامان سمیت مکان کو مسمار کردیا ۔
واضح رہے کہ رواں ماہ یہ آٹھواں فلسطینی خاندان تھا جس کو بے گھر کیا گیا ہے صیہونی فوج آٹھ فلسطینی خاندانوں کے 49 افراد کو بے گھر کردیا ہے ۔