صیہونی جیل میں قید فلسطینی خاتون  بینائی سے محروم

 (روزنامہ قدس ۔آن لائن خبر رساں ادارہ) اسرائیلی جیل میں مجرمانہ غفلت اور علاج کی سہولیت میسر نہ آنے کے باعث فلسطینی خاتون  ایک آنکھ کی بینائی سے محروم ہوگئی۔

پانچ ستمبر2016ء سے اسرائیلی جیل ‘ھشارون’میں قید 28 سالہ فلسطینی خاتون آیات محفوظ کے اہلخانہ نے انسانی حقوق کی تنظیموں سے مطالبہ کیا ہے کہ اسرائیلی جیل حکام کی مجرمانہ غفلت کے باعث  ایک آنکھ کی بینائی سے محروم ہونے والی  ان کی بیٹی کی رہائی کیلئے صیہونی ریاست پر دباؤ ڈالا جائے ،

آیات محفوظ کو اسرائیلی فوج نے 8 ستمبر 2013ء کو حراست میں لیا اور 20 مئی 2014ء کو اسے رہا کردیا تھا تاہم اسے پانچ ستمبر2016ء کو دوبارہ حراست میں لینے کے بعد صیہونی  فوجی عدالت نے اسے پانچ سال قید کی سزا سنائی تھی۔

واضح رہے کہ آیت محفوظ تین سال کی عمر میں ایک اسرائیلی شیل لگنے کے باعث بائیں آنکھ بری طرح متاثر ہوئی تھی اور اب اسرائیلی جیل میں علاج کی مناسب سہولیات میسر نہ ہونے کے باعث ان کی آنکھ کی بینائی مکمل طورپرختم ہوگئی ہے ۔