(روز نامہ قدس ۔آنلائن خبر رساں ادارہ ) صیہونی فوج نے مقبوضہ بیت المقدس سے خواتین او بچوں سمیت پورے خاندان کو گرفتارکرکے نامعلوم مقام پر منتقل کردیا۔
تفصیلات کے مطابق صیہونی فوج نے رات گئے مقبوضہ بیت المقدس کے علاقے العیسویہ میں روایتی لوٹ مار شروع کرتے ہوئے گھرگھر تلاشی کاعمل شروع کیا اور 2 خواتین 4 بچوں سمیت خاندان کے آٹھ افراد کو گرفتار کرلیا۔
عینی شاہدین کا کہنا ہے کہ صیہونی فوج نے العیسویہ کے علاقے دارلاخیر کے محلے پر دھاوا بولا اور اویس النصری کے خاندان کو گرفتار کرکےنامعلوم مقام پر منتقل کردیا۔
فلسطینی قیدیوں کی تفصیلات رکھنے والے ادارے کا کہنا ہے کہ ہے تاحال گرفتار خاندان پر عائد الزام اور جرائم کی کوئی تفصیلات فراہم نہیں کی گئیں ہیں اورنا ہی یہ بتایا گیا ہے کہ ان کو گرفتارکرکے کہاں لے جایا گیا ہے۔