مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی وزیراعظم بنجمن نیتن یاھونے انکشاف کیا ہے کہ امریکا کے مشرق وسطیٰ کے لیے امن منصوبے میں مقبوضہ غرب اردن پر اسرائیل کی خود مختاری کو تسلیم کیا جائے گا۔
روز نامہ قدس کو موصول ہونے والی اطلاعات کے مطابق ان کا کہنا ہے کہ صدی کی ڈیل کے اہم پہلوؤں کا اعلان 9 اپریل کو ہونے والے انتخابات کے بعد کیا جائے گا۔
اخبار’’معاریف‘‘ کو دیے گیے انٹرویو میں نیتن یاھو نے کہا کہ ہم القدس کو تقسیم نہیں کریں گے۔ حکومت کسی عرب علاقے سے صیہونی کالونیوں کو ختم نہیں کرے گی۔
نیتن یاھو کا کہنا تھا کہ صدی کی ڈیل کے اہم اصولوں کا اعلان انتخابات کے بعد کیا جائے گا۔ اس منصوبے میں غرب اردن کے علاقے پر اسرائیل کی خود مختاری کو تسلیم کیا جائے گا۔