مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی فوج کی شمالی فلسطین میں ہونے والی مشقوں کے دوران ایک اسرائیلی فوجی ہلاک اور دو زخمی ہو گئے۔
روز نامہ قدس کو موصول ہونے والی اطلاعات کے مطابق اسرائیل کے عبرانی زبان میں نشریات پیش کرنے والے ٹی وی چینل 20 نے بتایا ہے کہ اسرائیلی فوج کی الجلیل شہر میں مشقیں جاری تھیں۔ اس دوران چھاتہ بردار بریگیڈ کا ایک اہلکار حیفا کے قرین پانی کی نہر میں تیرتے ہوئے حادثے کا شکار ہوا۔ یہ حادثہ فوجی اہلکار کے لیے جان لیو ثابت ہوا اور اسپتال میں پہنچانے سے قبل اس کی موت واقع ہوگئی۔ حادثے میں دو فوجی زخمی بھی ہوئے۔ انہیں اسپتال منتقل کردیاگیا ہے۔
حادثے کے بعد اسرائیل کی بری فوج کے سربراہ نے مشقیں روکنے کا حکم ددیا اور ملٹری پولیس نے واقعے کی تحقیقات شروع کردی ہیں۔