(روزنامہ قدس ۔آن لائن خبر رساں ادارہ ) حماس نے سماجی صحافت کی بندش میں سماجی رابطوں کی ویب سائٹ فیسبک اور ٹوئٹر کو صیہونی ریاست کے مذمومقاصد میں آلہ کاربننے پر شدید تنقید کرتے ہوئے کہا ہے کہ یہ ادارے اپنی غیر جانبدارانہ ساکھ کھوچکے ہیں۔
قابض ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے بیرون ملک امور کے سربراہ محمد نزال نے ایک بیان میں کہا کہ سماجی رابطوں کی ویب سائٹ’فیس بک’ اور ‘ٹویٹر’ صہیونی ریاست کی کے مظالم کی پردہ پوشی کرتے ہوئے اپنی غیر جانب ادارانہ ساکھ کھو چکےہیں۔
ان دونوں ویب سائٹس کی طرف سے صہیونی ریاست کے خاکوں میں رنگ بھرنے کی کوشش کی جا رہی ہے اوردونوں سوشل نیٹ ورکنگ پلیٹ فارم غاصب صہیونیوں کے آلہ کار بن چکے ہیں۔
انہوں نے کہا کہ فلسطینی مزاحمت کے حامی صفحات کی بندش اسرائیلی ریاست کی ترجمانی اور اس کی طرف داری کا واضح ثبوت ہے۔خیال رہے کہ حال ہی میں ‘فیس بک’ اور ٹویٹر نے فلسطینی مزاحمت کاروں کے قریب سمجھے جانے والے متعدد صفحات بند کردیئے تھے۔ ان میں مرکزاطلاعات فلسطین کے عربی اور انگریزی ویب سائٹس کے صفحات بھی شامل ہیں۔