راوں سال صیہونی فوج نےخواتین بچوں سمیت 5000سے زائد فلسطینیوں کو گرفتارکیا

(روزنامہ قدس ۔آن لائن خبر رساں ادارہ) فلسطین میں انسانی حقوق کی تنظیموں کی جانب سے جاری  رپورٹ کے مطابق رواں سال صیہونی فوج نے 52 خواتین اور 200سے زائد بچوں سمیت 5000 سے زائد فلسطینیوں کو گرفتارکیا صرف گزشتہ ماہ ستمبر میں 500 سے زائد فلسطینیوں کو صیہونی زندان  کی نذر کیاگیا ۔

فلسطین میں انسانی حقوق کی تنظیم "الضمیر ” اور "کلب برائے اسیران "کی طرف سے جاری کردہ رپورٹ میں بتایا گیا ہے کہ ستمبر 2019ء میں کے دوران اسرائیلی فوج نے 10 خواتین اور 81 بچوں سمیت 514 فلسطینیوں کو حراست میں لینے کے بعد جیلوں میں قید کیا۔ قابض صہیونی فوج نے بیت المقدس سے ستمبر کے مہینے میں 175 فلسطینیوں کو حراست میں لیا۔

کسی ایک شہر سےگزشتہ ماہ فلسطینیوں کی سب سے زیادہ گرفتاریاں ہیں۔رپورٹ کے مطابق رام اللہ اور البیرہ سے 54، الخلیل سے 100، جنین سے 25، بیت لحم سے 25،نابلس سے 45، قلقیلیہ، طوباس سے 5،سلفیت سے 8، اریحا سے 10 اور غزہ کی پٹی سے 11 فلسطینیوں کو حراست میں لیا گیا۔

رپورٹ کے مطابق رواں سال کے دوران اسرائیلی فوج کے ہاتھوں اب تک 5000 فلسطینیوں کو گرفتار کیا جا چکا ہے۔ ان میں52 خواتین، 200 سے زائد بچے شامل ہیں۔ رواں سال  450 فلسطینیوں کو اسرائیلی زندانوں میں انتظامی قید کی سزائیں دیں گئیں۔