(روز نامہ قدس ۔آنلائن خبررساں ادارہ ) رات گئے اسرائیلی طیاروں نے محصورغزہ کے مختلف علاقوں میں بمباری کی جس کے نتیجے میں متعدد عمارات تباہ ہوگئیں، صیہونی طیاروں کی نچلی پروازوں سے رہائشیوں میں خوف و ہراس، صیہونی طیارے رات گیارہ بجے سے علی الصبح تک غزہ پر کارروائیاں کرتے رہے تاہم اپنے اہداف حاصل کرنے میں ناکام رہے۔
اسرائیلی فوج کے ترجمان کی جانب سے جاری بیان کے مطابق غزہ کی جانب سے اسرائیلی علاقوں میں راکٹ حملوں کے بعد غزہ کے مشرقی علاقےبیت لاہیااورشمالی غزہ میں حماس کے ٹھکانوں کو نشانہ بنایا۔
ترجمان اسرائیلی فوج نے بتایا کہ غزہ کی جانب سے اتوار کی شام اسرائیل میں چارراکٹ داغے گئے جس میں سے تین کو اسرائیل کے ایئرڈیفنس سسٹم آئرن ڈوم نے فضاء میں تباہ کیا جبکہ ایک جنونی علاقے کے ہائی وے کے قریب گرا تاہم کسی جانی یا مالی نقصان کی اطلاع موصول نہیں ہوئی ۔
دوسری جانب فلسطینی حکام نے اسرائیلی حملوں کی تصدیق کرتے ہوئے بتایا ہے کہ اسرائیل کی جانب سے رات بھرحماس کے القسام بریگیڈ کے دفترسمیت متعدد مقامات پرحملے کئے گئے تاہم حملوں میں کسی قسم کی جانی نقصان کی اطلاع نہیں ملی۔