(روزنامہ قدس ۔آن لائن خبر رساں ادارہ) مقبوضہ فلسطین میں صیہونی فوج کے بعد شرپسند یہودی آبادکاروں کے بھی فلسطینیوں پر مظالم جاری۔
تفصیلات کے مطابق مقبوضہ بیت المقدس کے جنوبی شہر الخلیل کے علاقے ‘کریات اربع’ میں درجنوں شرپسند یہودی آباد کاروں نے صیہونی پولیس اور فوج کی نگرانی میں فلسطینیوں کے گھروں پر حملہ کیا ، ان کی املاک کو تباہ جبکہ گھروں اور گاڑیوں کے شیشے توڑدیئے ۔اس موقع پر شرپسند یہودی آباد کاروں نے اسلام مخالف اشتعال انگیز نعرے بازی بھی کی ۔
خیال رہے کہ فلسطین کے مقبوضہ مغربی کنارے اور بیت المقدس میں 503 یہودی کالونیاں قائم ہیں۔ان میں 474 غرب اردن اور 29 القدس میں قائم ہیں۔ ان یہودی کالونیوں میں 8 لاکھ یہودی آباد کیےگئے ہیں۔