(روزنامہ قدس ۔آن لائن خبر رساں ادارہ) اسرائیلی ڈرون طیاروں نے غزہ کے ساحلے علاقوں سے داخل ہونے کی کوشش کی جس کو مزحمت کاروں نے ناکام بناتے ہوئے ڈرن طیاروں کو واپس جانے پر مجبور کردیا۔
ذرائع کے مطابق اتوار کی صبح غزہ کے ساحلی علاقوں السودانیہ اور الشاطی ریفیوجی کیمپ میں دو مقامات سے اسرائیلی جاسوس طیاروں نے داخل ہونے کی کوشش کی جس پر مزاحمت کاروں نے فوری کارروائی کرتے ہوئے فائرنگ کی جس کے نتیجے میں ایک ڈرون کو نقصان پہنچا ۔
مزاحمت کاروں کی فائرنگ سے دراندازی کرنے والے دونوں اسرائیلی ڈرون فوری طور پر واپس لوٹ گئے ۔
اس سے قبل ہفتے کی شب صیہونی فوج نے ایک فلسطینی جاسوس طیارے کو غزہ اور مقبوضہ فلسطین کی سرحد کے درمیان واقع مار گرانے کا دعوی کیا تھا، تاہم مزاحمت کاروں کی جانب سے اس کی تصدیق نہیں کی گئی ۔
واضح رہے کہ غزہ میں اسرائیلی جاسوس طیاروں کی دراندازی کا سلسلہ ایسے وقت میں جاری ہے کہ جب صیہونی فوجیوں اور مزاحمتی فورسز کے درمیان دو روز تک جاری رہنے والی حالیہ جنگ چودہ نومبر کو مصر کی وساطت سے ختم ہوچکی ہے، غزہ پر صیہونی فوجیوں کی حالیہ جارحیت میں کم سے کم چونتیس فلسطینی شہید ہوگئے تھے جن میں تین بچے اور ایک خاتون بھی شامل تھیان حملوں میں ایک سو دس افراد زخمی بھی ہوئے تھے جن میں زیادہ تعداد خواتین اور بچوں کی ہے ۔