مقبوضہ بیت المقدس (روز نامہ قدس ۔آن لائن خبر رساں ادارہ) صیہونی وزیراعظم بنجمن نیتن یاھو بدعنوانی کے کئی کیسز کا سامنا کررہے ہیں۔ وہ پہلے کیسز میں سے کسی میں بری نہیں ہو پائے کہ کرپشن کا ایک نیا مقدمہ ان کے تعاقب میں ہے۔
روز نامہ قدس کو موصول ہونے والی اطلاعات کے مطابق اسرائیل کے اسٹیٹ کنٹرولر یوسف شابیرا نے پرسیکیوٹرجنرل کو ہدایت کی ہے کہ وہ یہ بتائیں کہ آیا نیتن یاھو اپنے چچا زاد سے عدالتی اخراجات کی ادائیگی کی مد میں مالی معاونت کرنےحاصل کرکے قانون کی خلاف ورزی کے مرتکب ہوئے ہیں یا نہیں۔
عبرانی ریڈیو کی رپورٹ اسٹیٹ کنٹرولر نے مشیر قانون افیحائی منڈلبلیٹ کو ہدایت کی ہے کہ وہ اس بات کی چھان بین کریں کہ انہوں نے اپنے چچا زاد اور کاروباری شخصیت میلیکو فیسکی سے عدالتی اقدامات کے لیے رقم وصول کی تھی یا نہیں۔ اگر انہوں نے رقم وصول کی ہے تو وہ خلاف قانون یا نہیں۔
حال ہی میں اسرائیلی اخبار ’’ہارٹز‘‘ نے انکشاف کیا تھا کہ گذشتہ دو سال کے دوران نیتن یاھو نے اپنے چچا زاد سے 3 لاکھ ڈالر کی رقم وصول کی تھی۔
عبرانی ریڈیو کے مطابق اگر قانون کے مطابق یہ رقم رشوت وصولی کے زمرے میں آئی تو نیتن یاھو کو ایک اور کرپشن کیس کا سامنا کرنا پڑ سکتا ہے۔