(روز نامہ قدس ۔آن لائن خبر رساں ادارہ)صہیونی حکومت نے اپنے ہاں بنکوں میں ‘بی ڈی ایس’ سے منسلک تنظیموں کے ۳۰ بنک کھاتے بند کر دیے ہیں۔
روزنامہ قدس کے مطابق، اسرائیل کے عبرانی ٹی وی چینل ۷ کی رپورٹ کے مطابق حکومت نے عالمی سطح پر صہیونی ریاست کا بائیکاٹ کرنے والی تحریک ‘بی ڈی ایس’ کے بنک کھاتے بند کرتے ہوئے تحریک کے خلاف اقتصادی جنگ کا آغاز کر دیا ہے۔
صہیونی حکومت نے اپنے ہاں بنکوں میں ‘بی ڈی ایس’ سے منسلک تنظیموں کے ۳۰ بنک کھاتے بند کر دیے ہیں۔
ٹی وی چینل کی رپورٹ میں کہا گیا ہے کہ ‘بی ڈی ایس’ کے خلاف صہیونی ریاست کی معاشی جنگ ایک ایسے وقت میں شروع کی گئی ہے جب دوسری جانب اسرائیلی حکومت کی طرف سے حال ہی میں ‘ٹائی والے مسلح جنگجو’ کے عنوان سے ایک رپورٹ جاری کی گئی ہے جس میں کہا گیا ہے کہ بی ڈی ایس کے انسانی حقوق کارکنوں، فلسطینی تنظیموں اسلامی تحریک مزاحمت ‘حماس’ عوامی محاذ اور دیگر تنظیموں کے ساتھ تعلقات ہیں۔
ٹی وی چینل کے مطابق حال ہی میں حکومت نے ‘صامدون’ تنظیم کے تین بنک کھاتے منجمد کیے۔ یہ تنظیم ‘بی ڈی ایس’ کی وفادار سمجھی جاتی ہے۔