(روزنامہ قدس ۔آن لائن خبر رساں ادارہ) صیہونی وزیر صحت کا کہنا ہے کہ کورونا وائرس سے ہلاک ہونے والے صیہونیوں کی تعداد 238 ہوگئی ہے جبکہ گزشتہ روز 25 نئے مریض سامنے آئے ہیں۔
قابض صیہونی ریاست اسرائیل کے وزیرصحت یاکوف لٹز مین کےدفتر سے جاری ہونے والے بیان میں اسرائیل میں مزید 25 غیرقانونی آبادکاروں کے عالمی وباء کورونا سے متاثر ہونے کی تصدیق کی گئی ہے۔
بیان میں کہا گیا ہے کہ ملک میں کوروناکے مزید 25 کیسز سامنے آنے کے بعد متاثرہ افراد کی مجموعی تعداد 16 ہزار 314 ہوگئی ہےجبکہ اب تک اس مرض سے ہلاک ہونے والے صیہونیوں کی تعداد 238 ہوگئی ہے۔
بیان میں بتایا گیا ہے کہ اسرائیل میں کورونا کے 10 ہزار 527 مریض صحت یاب ہوئے ہیں اور صرف گزشتہ چوبیس گھنٹوں کے دوران 62 اسرائیلی صحت یاب ہوئےہیں جبکہ 90 مریضوں کی حالت تشویشناک ہے ۔