(روزنامہ قدس ۔آنلائن خبر رساں ادارہ )قابض صہیونی فوج کی جانب سے مغربی کنارے کے مختلف علاقوں میں چھاپوں کا سلسلہ رک نہ سکا۔جمعہ کی رات مختلف کارروائیاں کرتے ہوئے سات فلسطینی شہریوں کو گرفتار کر کے ان کونا معلوم مقام پر منتقل کردیا۔
تفصیلات کے مطابق اسرائیلی فوج کی جانب سے فلسطینیوں کو حراساں کرنے اور انکی بلا جواز گرفتاریوں کا سلسلہ جاری ہے۔گزشتہ روز رات گئے مغربی کنارے کے مختلف علاقوں میں کارروائیاں کرتے ہوئے 7 فلسطینیوں کو گرفتار کرکے ان کو نامعلوم حراستی مرکز پر منتقل کردیا۔
عینی شاہدین کے مطابق اسرائیلی فوج نے رات گئے اریحا کے شمال میں فصایل گاوں میں چھاپے مارے جس کے بعد مقامی نوجوانوں اور اسرائیلی فوج کے درمیان جھڑپیں پھوٹ پڑیں۔ فصایل نامی گاوں سے اسرائیلی فوج نے چار فلسطینیوں کو گرفتار کیا۔
فلسطینی اسیران کی سوسائٹی کے مطابق پانچ دنوں میں مغربی کنارے اور بیت المقدس سے 71 فلسطینی شہریوں کو گرفتار کیاگیا ۔
ادھر اسرائیلی فوج نے دعوی کیا ہے کے گرفتار کیے جانے والے سات افراد اسرائیلی فوج کے خلاف کارروائیوں میں ملوث تھے۔جس بنا پر انکو گرفتار کیا گیا۔