(روز نامہ قدس ۔آنلائن خبر رساں ادارہ )قابض اسرائیلی فوج کی جانب سے فلسطینیوں کے خلاف پرتشدد کارروائیاں جاری،رام اللہ میں جلازون پناہ گزین کیمپ پر ہلہ بول دیا،ایک فلسطینی نوجوان گرفتار کرلیا،متعدد نوجوانوں کو تشدد کر کے زخمی کردیا۔
تفصیلات کے مطابق قابض اسرائیلی فوج کی جانب سے فلسطینی شہریوں کو بلا جواز گرفتار کرنے کا سلسلہ جاری ہے۔گزشتہ روز رام اللہ کے شمال میں واقع جلازون نامی پناہ گرین کیمپ پر اسرائیلی فوج کی بھاری نفری نے دھاوا بول دیا۔اس سے پہلے کیمپ کو چاروں اطراف سے گھیرے میں لے لیا گیا تھا۔
عینی شاہدین کے مطابق اسرائیلی فوج نے ایک فلسطینی نوجوان کو کیمپ سے گرفتار کیا جبکہ دیگر نوجوانوں کو شدید تشدد کا نشانہ بنایا۔گرفتار ہونے والے نوجوان کا نام طاہر نخلا اور اسکی عمر 28 سال بتائی جا رہی ہے۔گرفتار ی کے بعد اسے نامعلوم حراستی مرکز منتقل کردیا گیا ہے۔
عینی شاہدین کا یہ بھی کہنا تھا کہ اسرائیلی فوج نے کیمپ میں قائم دیگرگھروں میں گھس پر توڑ پھوڑ بھی کی اور مزاحمت پر اہل خانہ کو تشدد کا نشانہ بنایا۔