(روزنامہ قدس ۔آن لائن خبر رساں ادارہ) غزہ کے سرحدی علاقے میں صیہونی فوج نے فلسطینی مزدور کو فائرنگ کرکے شدید زخمی کردیا، زخمی کو اسپتال منتقل کردیا گیا تاہم حالت نازک بتائی جارہی ہے۔
مقامی ذرائع کے مطابق صیہونی فوج نے گزشتہ 13سالوں سے غیر قانونی محاصرے کا شکار فلسطینی شہر غزہ کے سرحدی علاقے خان یونس میں خزاعہ کے مقام پر سیوریج کا کام کرنے والے فلسطینی مزدور محمد قديح پر اندھا دھند فائرنگ کردی ، جس کے نتیجے میں وہ شدید زخمی ہوگیا ، زخمی کو فور ی طور پر الشفاء اسپتال منتقل کیا گیا ہے تاہم اس کی حالت ناز ک بتائی جارہی ہے ۔