(روزنامہ قدس ۔آن لائن خبر رساں ادارہ) قابض صیہونی فوجیوں کا مقبوضہ بیت المقدس کے علاقے میں چھڑپوں کے دوران فلسطینی بچے پر سرعام بدترین تشدد ، پیر کی ہڈیاں توڑ دیں۔
مقامی ذرائع کے مطابق گزشتہ روز مقبوضہ فلسطین کے مغربی کنارے کے شمالی شہر نابلس کے قصبے میں صیہونی فوج اور فلسطینیون کےد رمیان جھڑپوں میں اسرائیلی فوجیوں نے 16 سالہ عمررمضان کا پیچھا کیا اور اس کو حراست میں لے کر بدترین تشدد کا نشانہ بنایا۔
بچے کے والد عبد الفتاح رمضان نے بتایا کہ اسرائیلی فوجیوں نے اس کے بیٹے کا پیچھا کیا اور حراست میں لے کر دو گھنٹوں تک بدترین تشدد کیا جس کے باعث اس کے پیروں کی ہڈیاں ٹوٹ گئی ، زخمی عمر رمضان کو ہلال احمر کی مدد سے رافضیہ اسپتال منتقل کیا گیا ہے جہاں ڈاکٹرز نے اس کی سرجریز کرنے کا کہا ہے ۔