(روزنامہ قدس ۔آن لائن خبر رساں ادارہ) فلسطین کی تحریک حماس کے عسکری ونگ شهید عزالدین القسام بریگیڈ نے کل کہا کہ اسرائیل کے خلاف 2014 میں 50 روزہ جنگ میں زخمی ہونے والا فلسطینی نوجوان “براء عادل عمور” زخموں کی تاب نہ لاتے ہوئے شہید ہو گیا۔
حماس کی جانب سے جاری ایک بیان میں حماس کی عسکری ونگ شہید عزالدین القسام بریگیڈ کے اہلکار براء عادل عمور 2014 میں ہونے والی اسرائیلی بمباری میں شدید زخمی ہوگئے تھے اور پانچ سال کومہ میں رہنے کے بعد دو روز قبل شہید ہوگئے ہیں ۔
واضح رہے کہ اسرائیل کی جانب سے محصور غزہ پر سنہ 2014 میں بدترین بمباری کی گئی تھی جس کے نتیجے میں خواتین اوربچوں سمیت تقریبا ساڑھے چار ہزار سے زائد فلسطینی شہید اور 50 ہزار سے زائد زخمی ہوگئے تھے ۔