(روز نامہ قدس ۔آنلائن خبر رساں ادارہ )قابض اسرائیلی حکام کی جانب سے فلسطینی عوام کا لہو نچوڑنے کا سلسلہ جاری ہے،فلسطینی بچوں سے مختلف جرمانوں کے بہانے 26 ہزار شیکل کی رقم غصب کر لی۔
فلسطینی محکمہ اسیران کی جانب سے جاری کردہ ایک رپورٹ کے مطابق اسرائیلی حکام جہاں ایک طرف فلسطینیوں کو جانی نقصان پہنچا رہے ہیں وہاں وہ ان کو مالی طور پر بھی تباہ کرنے پر مصر ہیں،صرف گزشتہ ماہ کے جاری کردہ اعداد و شمار کے مطابق اسرائیلی حکام نے فلسطینی بچوں سے جرمانوں کی آڑ میں 26 ہزار شیکل کی رقم بٹور لی۔
یہ رقم فلسطینی بچوں کو بے جا طور پرگرفتار کر کے ان پر مختلف جرمانے عائد کر کے حاصل کی گئی ۔جب کہ اس دوران بچوں پر بے پناہ تشدد بھی کیا گیا۔
فلسطینی اسیران کا کہنا ہے کہ جون میں اسرائیلی حکام نے 15 فلسطینی بچوں کو حراست میں لے کر ‘عوفر’ جیل میں قید کیا۔ انہیں اوسطاً 15 ماہ قید کی سزائیں سنائی گئیں۔ عوفرجیل میں قید فلسطینی بچوںکی تعداد 116 تک جا پہنچی ہے۔