غزہ – روزنامہ قدس ـ آنلائن خبر رساں ادارہ
غزہ میں سردیوں کی آمد کے ساتھ ہی انسانی بحران مزید گہرا ہوتا جارہا ہے۔بین الاقوامی سطح کی امدادی تنظیمیں مسلسل مطالبہ کر رہی ہیں کہ غزہ میں امدادی سامان کی بغیر رکاوٹ فراہمی کو یقینی بنایا جائے کیونکہ لاکھوں بے گھر فلسطینی خیموں، خوراک اور بنیادی ضروریات سے محروم ہیں۔ غزہ میں امداد کی فراہمی میں رکاوٹیں برقرار ہے ۔
متحدہ عرب امارات نے کہا ہے کہ غزہ کی امداد میں اضافہ کیا جائے گا ۔ زمینی اور فضائی رسائی کے ساتھ قبرص سے سمندری راہداری ضروری ہے ۔امریکی ثالثی والے معاہدے کے باوجود اسرائیلی فوج نے جنگ بندی کی خلاف ورزی کرتے ہوئے جنوبی غزہ (خان یونس، رفح) میں ڈرون حملے اور گولہ باری کی جس سے 5 فلسطینی شہید اور دس زخمی ہوئے۔ حماس نے کہا کہ اسرائیل نے دو سو چالیس بار جنگ بندی کی خلاف ورزی کر چکے ہیں ۔
نصر ہسپتال کو پندرہ فلسطینی شہدا کی لاشیں ملیں بدلے میں حماس نے امریکی نژاد اسرائیلی فوجی ITAY CHEN کی لاش اسرائیل کے حوالے کردیا ہے اب صرف چھ یرغمالیوں کی لاشیں غزہ میں ہیں ۔صیہونی فوج کی غزہ امن معاہدے کی مسلسل خلاف ورزیاں جاری۔مقبوضہ مغربی کنارے میں اسرائیلی حملے میں 3افراد شہید ہوئے ہیں جبکہ 60سے زائد گرفتار کرلیا گیاہے ۔ امریکی ایلچی اسٹیو وٹکوف کی تصدیق کی ہے حماس وعدے پر قائم ہے اور ہتھیار بین الاقوامی فورس کے حوالے کرنے کیلئے تیار ہے ۔