اسرائیلی پرزنر سروس (آئی پی ایس) نے مقبوضہ بیت المقدس کے علاقے دیر سمت سے انتظامی قید کے تحت حراست میں لئے گئے فلسطینی واجدی الاعوادی کو احتجاجی بھوک ہڑتال جاری رکھنے کے بعد تشویشناک حالت میں علاج کیلئے اسپتال منتقل کردیا۔
واجدی الاعوادی کی گھرانے نے بتایا کہ اتوار کے روز ان کو ہلال احمر کی بین القوامی کمیٹی برائے بحالی کی جانب سے پیغام موصول ہوا جس میں بتایا گیا تھا کہ اسرائیلی زندان میں قید واجدی الاعوادی کو صحت کی صورتحال انتہائی مخدوش ہوجانے کے باعث رملہ جیل کے اسپتال منتقل کردیا گیا ہے۔
واضح رہے کہ واجدی الاعوادی نے انتظامی قید کے خلاف گزشتہ 30 روز سے بھوک ہڑتال جاری رکھی ہوئی ہے جس کے باعث ان کی حالت تشویشناک ہوگئی ہے۔ انتظامی قید پر دنیا بھرمیں پابندی ہے انتظامی قید کے تحت اسرائیلی حکام فلسطینیوں کو بغیر جرم اور مقدمے کی سماعت کے قید رکھتے ہیں۔